"Жомарт түлек" кездесуі

Қазақстан Тәуелсіздігінің 30 жылдық мерейтойына орай, "Рухани жаңғыру" бағдарламасы аясында "Алғабас" орта мектебінде 15 желтоқсан 2021 ж."Жомарт түлек" кездесуі өтті. Кездесудің мақсаты: Елімізге белгілі, түрлі салада жемісті еңбек етіп жүрген түлектердің табысты өмір жолын жас ұрпаққа  үлгі ету. Туған өлкесінің әлеуметтік мәселелерін шешуге атсалысуға  тарту. Кездесуге келген мектебіміздің түрлі салада қызмет етіп жүрген түлектері Әбдіров Саят, Асылбеков Бауыржан, Есенгелдиев Фархат, Халықов Дүйсехан, Ділдабеков Бауыржан, Сағынбеков Біржан - өздерінің қызықты балалық шақтары мен ұстаздарының еңбектерін және жасап жүрген кәсіптерінің қыры мен сыры  жайында оқушыларға айтып берді.    Кездесу оқушылардың  шағын концерттік бағдарламасына ұласты. Шара соңында жомарт түлектерге мектеп ұжымы атынан директор Дүйсенәлі Қасымұлы алғысын білдірді, естелік сыйлық ретінде қамшы тарту етілді.