"Тәуелсіздікті жырлаймын" тақырыбында жас ақындар айтысы өтті

"Алғабас" орта мектебінде 7 желтоқсан күні Тәуелсіздіктің 30 жылдық мерейтойына орай "Тәуелсіздікті жырлаймын" атты жас ақындар айтысы өтті.

Мақсаты: Ана тілімізді құрметтеу, сүю; өткеніміз бен бүгінімізді саралап тарихымызды насихаттау; патриоттық сезімдерін ояту, Отанын сүюге тәрбиелеу.

    Айтысқа 6-9-сынып  оқушылары атсалысты.

Айтыста оқушының сөз маржанын түзуіне, ұшқыр ойлылығы мен ұтымды жауап беруіне, сахнада өзін-өзі ұстауы мен сахналық киім үлгісіне, домбыра тарту шеберлігіне байланысты жүлделі орындар белгіленді.

  "Жүйріктен жүйрік озар жарысқанда" дегендей, 8"А"сынып оқушысы Е.Қойлыбай мен 7"А"сынып оқушысы Ш.Нұралы бас жүлдені, 7"Ә"сынып оқушысы А.Қойшыбай, К.Нұржан І орынды қанжығасына байлады. 7"А"сынып оқушысы А.Күншібек пен Е.Әбдіраш ІІ орынды иеленсе, Е.Темірлан мен Н.Сейдалы ІІІ орынды еншіленді.

  Айтысқа қатысқан барлық оқушылар мектеп әкімшілігінің марапатымен марапатталды.